2008/08/07

颱風日

05:30 給窗外的風雨聲吵醒,起身看電視,噢... 05:45前會改掛八號風球,上床再睡。08:00 起床,八號風球了,沖涼。好大風喎,連抽氣扇隻窗都俾吹開左。哈!唔知身在台灣的右門神有沒有感受到颱風的威力呢?昨日同左門神食飯時佢先講做乜個個近來都去台灣,係囉... 就係我一個冇去囉。我講過秘密你地知啦,左右門神早輪終於通過電話了,但呢兩個人都仲係未見過面架。真係好神奇,同一間公司大家可以完全未碰過臉,不過呢兩個人又會有一個共通的友人喎。09:00 一邊寫碟,一邊上網,咦... MASAKO又開始發神經,連個Mail都Load好耐喎... 所有有相的網頁都Load成十分鐘,用了成粒鐘先睇完G君個台中遊記,一邊煲碟一邊Cut雜誌一邊食零食一邊上網。順便執好枝筆寄俾強仔さん先,然後執埋寫好D碟,可以寄俾我神戶偉哥FANS日本友人。我有兩個日本朋友都係梁朝偉的FANS,一個住大阪,一個住神戶,呢兩個人又係唔識的。恐怖的是住神戶那個偉哥粉絲,就住在我另一個神戶友人C君(即係同我去了京都食三嶋亭那個)隔離幢大廈。呢個世界真係好細咩?就咁寄碟俾人唔多禮貌,打算鳥幾隻字,慘!實在太耐冇「寫」日文,完全唔記得D字點寫,唯有「打」完之後照字搬字用筆抄番上去。其實唔好話「打」,最近一想到要寫日文就開始頭痛,MSN時用口語當然不成問題,一寫信就... 唔通真係要番mixi住番一頭半個月? 15:00 瞓晏覺。15:30 又俾電話嘈醒,跟住繼續一邊煲碟一邊Cut雜誌一邊食零食一邊上網。睇左咩?首先睇左D1啦,點解富士D人數學咁差o既,我已經留意了好多次佢地成日計錯分,包括平日的いいとも,錯得好離譜個喎。明明有計分員又有AD係到,咁多個都可以計錯?另外睇左幾集大御所,近來日本冇明星冇歌星,成日都翻炒,係囉... 日劇Rookies隻主題歌咪又係八十年代的老歌。雜誌睇到有Do野都幾得意,東京最近流行丑の日不吃鰻魚而吃「土用餅」,土用餅是京都和北陸地區的食物,東京真係無新意,成日都翻炒關西,還有最近流行的「夏の醤油FONDUE」,嗄... 咁以後介紹日本友人香港火鍋是否不能再叫做Shabu-Shabu?睇見DNew Balance CM系,不過冇乜特別款想買。22:30,嘩... Cut左成16kg的雜誌,好得人驚!轉台睇Hotel Babylon,一邊做Filing,做做下忽然肚餓,係喎... 今日雖然食了好多零食但係冇米到肚喎,算啦,叮個飯食啦,順便開盒蟹羔。好日都唔睇新聞,睇到忍唔住狂笑,係呀,我就係講「乜而家D教育精神去左邊呀?」同埋「如果中央唔係睇住香港...」,我真係覺得好好笑,編輯都寫唔出咁o既劇本呢。雖然下午五點幾轉了做三號但而家仲掛緊。今日真係名符其實的御宅,一步都沒踏出家門。

毒舌女日後如果咁樣繼續寫網誌,仲有冇人睇呢....


0 comments:

コメントを投稿