2009/09/13

老虎頭上釘虱乸【上集】

「點解你要Cut呢?」

「因為我要搬屋。」

「咁我地都可以同你搬個喎...」

「我新屋要半年後先入伙,咁我而家搬去酒店,冇理由白俾半年月費係嘛?」

「我地一樣可以同你搬過去酒店個喎...」

「嗄!? 酒店喎,人地已經可以免費上網啦...」

「咁你都要收Mail嘛...」

「我用gmail個喎...」
 
「咁你屋企依家條電話線會唔會Cut呢?」

「乜我Cut屋企條電話線關你地呢邊事咩?乜唔係要打另外一個電話咩?」

「咁你屋企條電話線幾時Cut呢?」

「先生,我幾時Cut屋企電話線係咪關你事先?況且幾時Cut係你地固網個邊D人決定個喎...」

「咁我想同你續左屋企條電話線個約...」

「續約?咩叫續約?我屋企條電話線都冇約在身...」

「咁我想同你簽新約...」

「簽咩新約呢?我間屋都未入伙...」

(後略)

話說,無約在手的高Ling決定和網上痕分手,於是打去熱線等了十三分鐘終於找到一個所謂負責人對話。

老早也決定和網上痕分手的老總,在Canteen聽到高Ling的故事,決定換藉口......

「點解你要Cut呢?」

「因為我要移民。」

「請問你移民去邊呢?」

「哦,我移民去剛果...」

「剛果!?」

「係呀,非洲的剛果呀!我諗你地係非洲都冇Service啦?」

「請等一等,我同你Check下...」

「唔駛Check了,我諗我住個到只有獅子老虎...」

「或者你可以轉用我地個流動寬頻去上網...」

「你地非洲有流動寬頻咩?」

「你去到邊都可以用我地個流動寬頻上網,咁就唔駛Cut Mail...」

「去到非洲,仲要用你地流動寬頻個網?收費咪好貴?」

老總以為換個藉口可以避免被人問長問短,結果還是花了整整一個鐘才能甩身。


老總呷著咖啡同社長講這件事:「你話丫,當日係埋一齊一日內搞掂,仲要一粒字都唔駛簽,而家分手就要起碼一個月前通知,仲要我等o左成個星期先收到佢份分手通知書,我簽完名寄出等對方收到,打電話過來確認才算是第一日喎...」

大閆生剛巧路過:「咩分手呀?你同邊個分手呀?」

老總:「冇,講開網上痕,明明幾日可以辦妥,偏偏拖長o黎搞,無端端要俾多兩個月月費,成$360...」

大閆生:「你每個月只係俾$180?」

老總:「係呀...」

大閆生:「點解咁平o既?我個個月要俾成千蚊喎...」

老總:「成千蚊?閆生你平日都唔用電腦o架?」

大閆生:「係呀,我都唔識用電腦,又唔會上網,但我因為要睇PAST TV,佢地話我屋企一定要裝埋網上痕先得,個個月自動轉帳收成千蚊...」

社長:「老闆,你係咪裝左光纖呀?」

大閆生:「咩叫做光纖?我乜都冇裝過,我只係得一個財經台睇到之嘛。哼!佢地呃我,唔得,我要立即打電話俾佢地...」



つづき



0 comments:

コメントを投稿