超怕昆蟲又超怕曬的吾郎今次說他喜歡野外場，費解（笑）
2006.8.5 新潟演唱會MC廣東話版
中居：坐低哂？已經坐低哂？做乜仲有人未坐低？你地唔坐我地都要坐o架！SMAP2006 in 新潟〜！...
吾郎：野外場，個人心情寧捨好Ｄ呢！
拓哉：係咯，由綵排開始有人已經擔住遮呢！
吾郎：美白嘛〜
拓哉：係後台都開住把遮照鏡。係房到你都打算係咁對住我？
中居：o下？係房入面？（２人同房？）
吾郎：你地知唔知唔開遮被太陽曬住會出汗o架嘛！
中居：演唱會梗會出汗啦！
吾郎：好彩新潟都唔係好熱o者〜
中居：吾郎Chan，你額頭Ｄ頭髮貼實哂喎！
吾郎：冇鏡丫嘛！
中居：剛，你點呀？
剛：心情好好呀！o黎多次先「大家好〜！」呢〜舊年24小時我地咪去過山古村o既，今日聽聞佢地有o黎...
（會場冇反應）
拓哉：係！而家用緊衛星通信（傳緊過去）
中居：唔知佢地而家係邊呢？
（Arena有女生舉手）
剛：你﹣好﹣！
中居：你（女生）唔駛咁認真答呢Ｄ順口開河o既人問題o架〜（笑）
剛：真係好o勒！我同慎吾去個陣應承左... 如果有演唱會的話大家一定要齊齊共渡美好時光，呢〜！？
慎吾：因為佢咁講所以大家都o黎左呢〜！不過得一舖過唔夠過癮呢（會場拍手）
拓哉：係咯，本來有J-League，一聽見SMAPo黎立即讓個場俾我地，真係多謝佢地！
中居：呢個係足球場，入左波SMAP就會出o黎唱歌... 不過唔入波我地就冇得出場喎（笑）
拓哉：今日我地坐新幹線o黎，MAX呢〜東京直達新潟個架車。慎吾同剛舊年o黎個陣新幹線仲未通番車。當到達個陣，好感動。從車站o黎到會場，係車上面見到個種活力，覺得新潟人好幸福。
中居：吾郎，你無咩事呀？
吾郎：最初俾你講到我個頭咁肉酸真係好擔心... 不過都係好開心！出年一定要o黎！5個！
中居：帶著吾郎係負累呢〜跳舞慢半拍，為左配合吾郎，3個鐘演唱會變成6個鐘。
慎吾：今場又由審查員席呢！
中居：放送席？咩o黎？（年年都係呢Ｄ笑話，不過點解百聽不厭!?）
慎吾：Check下我地有冇做錯！好似遴選會咁！
中居：被人Out左出o黎就弊咯 ！下次橫濱冇人再係台上o架哪（笑）
拓哉：喂！收埋個張「審查中」o既紙好冇（笑）
（都係拓哉眼最利，咁遠都睇到有人舉張咁o既紙出o黎！）
中居：審查到Ｄ咩呀？
拓哉：係，自我申告。今日跳舞時我搞錯左...
（「冇鬼用！減分！」的紙出現在「審查席」）
拓哉：嘩〜！頂唔順！（笑）
慎吾：今日我跳得唔跩呢。講開又講〜中居你又忘記歌詞！
中居：o下... o下... o下!?
拓哉：咁都唔記得？Nai Yai Yai呀！
慎吾：輪到我（數中居的錯）♪君の気持ちの裏の裏側が〜透けてみえたらいいのにな〜♪
中居：夠啦夠啦〜@#$%&*!
慎吾：係！審查員... 請！
（出現「減分！」字樣）
中居：審查員，你快Ｄ將拓哉把扇反轉後面俾我地睇睇
（98年的Viva Amigos扇）
中居：乜o黎？冒牌o野唔得個喎〜一定要係Johnny's Shop先係原裝個喎
（客席的一方一邊拎頭一邊笑到死咁制）
中居：影o下其他地方睇o下！
中居：嗨！老竇，你抱住個個Ｂ係咪賴緊尿呀？
（阿Ｂ的老竇幾乎冇笑死）
慎吾：阿Ｂ同我地揖手呀！不過我唔明你講咩（笑）
中居：一定唔知我係邊個（笑）嘩！好多男人！又有個老竇係到。
（第二個老竇擺了個Peace的V字手勢）
拓哉：21世紀仲咁老土Peace!?（笑）
慎吾：咦？有正方型o既扇喎！
中居：寫住「ナカイ」呀！犀利！後面呢？
（後面係シンゴ）
中居：本來好開心o既而家擊沉...
（鏡頭轉向個阿伯）
中居：阿伯呀！你做乜拎住我把扇!? 後生女就話o者！阿伯拎住，好冇癮o即（笑）
中居：阿伯好多腋毛！
慎吾（望住阿伯口郁郁學唇語）
拓哉（向住中居狂笑）：佢話愛你呢
拓哉：呀！終於打燈啦！好o羅好o羅〜天終於黑咯！
（完）
沒今年新潟的相片，找回當年的來懷緬一下。
