昨日才發現原來「橫濱+福岡」一星期內可以看4場還加送中居生日，アホか！嗚嗚嗚～大白痴本來的如意算盤是不看野外場，日曬雨淋， 和我同樣想法的人原來多得很。日拍D11一萬三千兩枚起標到結標時間都沒有人入標。那些E, F, G, H的票價一圓起標的也有，一百日圓起標的都有，成交價都只在票面價的一半左右。但是如果去了橫濱，14日15日可以去ALTA（當然沒有人會預料到今日東京發生東京大停電事件）16日出發去福岡，19日回香港，七天看4場真美妙！嗚嗚嗚～
唯有自我安慰，果然不出所料...
橫濱場的拓友L的簡報。12日下午一點左右，開始打旱雷，跟住是傾盆大雨，中間不斷夾雜著閃電，果然「青い稲妻」也給SMAP吸過來！排隊購物的人都渾身濕透，中段時間曾經一度停賣演唱會的週邊商品，求票的人一個不見，黃牛無所事事。等到4點雨開始下得比較細但原本予定3點讓人入場的大門依然緊閉，最後5點大門打開。5:30的開演延至 6:15才開始，W Encore的Shake給斬掉，演唱會9:45完結，都不算壞啦～！為補償損失，13日的演唱會結果是玩足4個鐘（羨慕）
今年的橫濱場的座席和往年有少許不同，中間沒有了三個Block(!) 而中央花道比以前長了，但札幌就和往年一樣，感覺上花道兩旁的距離是寬了，還猜想原因大概是因為加添了發置長汽球的器材，但橫濱又好像不一樣。另外，橫濱 場在Songs of X'smap時部份Arena位置會出現肥皂泡沫，不知是橫濱獨有還是新加添的元素。又據聞第一天煙霧散去那5個還未飛出來，幾乎穿幫！
蝦碌
====
12 日，話說藍色西裝時，五個分佔一座樓梯，當慎吾唱完Triangle的Solo版，五座獨立的樓梯會合成一體。但當四座樓梯已合而為一時，最右邊剛站的那一段機械故障，紋風不動。機警的中居立即指示剛走過去時，初男繼續一貫他在札幌的作風，一動不動（笑）燈光打向中居，立即笑意盈盈繼續唱歌，燈光轉向 其他人時，中居急忙又向初男打手語「嗨！向上行繞過來」對吾郎和拓哉「你兩個就在那裡不用動」跟著再指揮拓哉和吾郎就地坐著唱，慎吾迎向剛，終於順利完成 ^^
哈哈哈！已經是TOUR的第四回公演，蝦碌依然不斷。其實在札幌第一日公演時已發生同樣情況，剛的那座樓梯又是紋風不動，拓哉那座則 行了一半停下來，反應 迅速的中居一打手勢，絕頂醒目的拓哉若無其事，雙手插在褲袋內很優雅的沿樓梯向上到達二層舞台繞個圈子再往下行會合那三個，到中居再三揮手叫剛過去時，一 直呆站的剛才如夢初醒，蹬蹬蹬蹬蹬的向下行，行過主舞台會合那四個。
12日 Dear Woman時中居失聲?忘記歌詞? 後段的Dear Woman是完全聽不到中居聲音。有目擊者指中居當場對著工員指示個咪出了問題。嗯～工作人員，你們是故意的嗎？
13日 Take Off時先是拓哉忘記歌詞，跟著輪到慎吾。Simple時又輪到中居。果然，忘記歌詞是會傳染的。
初日及翌日的位置編排有少許變化。基本上就是行車方向互調及Lucky San的座位終於不再一樣。
2006.8.12 MC
==========
（拓哉開始講o野中居就問工作人員拿來的毛巾用腳開始抹地）
拓哉：個幾鐘頭前都係到諗緊點算？唔通真係要中止... 而家見到大家，好感動，好開心。好感謝工作人員... 喂！抹地個位阿叔 (中居) !!!!!!!!!
中居：雖然落雨天個個都幾乎線親，但有個叻人乜事都冇呢
吾郎：係！多謝哂！
中居：轉個圈睇睇～
（吾郎一口氣轉了三個圈）
中居：三個圈！
吾郎：咦？三個咩!? 我諗住轉兩個咋...
拓哉：你目標咁低o架！
拓哉：今日仲有個寧舍High～！我係昇降梯唱緊Kansha時，下？點解Earphone到傳o黎Locomotion！嚇得我！
慎吾：係咯... 個個唱緊bakabakabakn時某人的表情（一邊模仿剛一邊偷偷睥）
拓哉：NaiYaiYai前奏咪「nana summer time」跟著應該電話響起o既，無端遄走個「Hey! Summer Time! Hey! Summer Time!」
剛：下？乜聽到o既咩（不打自招）
拓哉：仲有，仲有，有人Stand By時對個森林瀑布大喊「呵～～吔～～」(扮泰山?)
慎吾：仲對住噴水池講：「呀！水呀！」
剛：咁多位對唔住啦！演唱會自然HIGH嘛！大家係咪咁話！
（會場：Yeah~!!!）
拓哉：你咪拖FANS落水啦！仲有呢，NaiYaiYai時大家係合埋一齊時，單你一個無端端對住Stand係到揮手！
中居：呢個唔係你專用會場呀！仲要一邊揮手一邊世起棚牙（扮剛）你好似係北海道已經係咁。
拓哉：呢個又唔係咩選舉活動，做乜揮手？
剛：係係係係係係係係，收到。以後會專心。
慎吾：喂～你咁辛苦練習成咁，唔好又唔記得呀！
（回到主舞台）
中居（望住由上而下的水）欠陷住宅？係到點跳舞呀？
吾郎：不如放個桶裝水？
慎吾：濕哂啦！
中居：木村，你話點？(去到重要關頭就拓哉 ^^)
拓哉：冇法啦！或者唱得好聽Ｄ星都出埋o黎
中居：大家拎住個枝Pen Light唔係星咩～剛，你冇咩呀？
剛：... 冇野... 請大家欣賞「星空之下」
中居：你同木村係到吱吱噚乜呀？
拓哉：最緊要樂隊冇濕到就得。剛，你個earphone聽得清清楚楚嗎？
中居：佢個個助聽器o黎o架（笑）
拓哉：好，請大家一齊唱「星空之下」
* 初男語錄「如果而家日本沉沒，你想吃的食物是？」「... 納豆！」
0 comments:
コメントを投稿