坐低，起碼有塊濕紙巾，用的不是割筷，TAKAMURAさん，你快Ｄ改善下好喎，貪新忘舊是本地人的特色，就算你的魚生好新鮮，好難同人爭喎。
去飲茶，劃紙仔。去吃不是迴轉的迴轉，也是劃紙仔。劃劃劃，劃完見到前面師傅拿起海膽，「咁細o既！」(・vv・) 心中暗呼不妙。
一黎就六大件，入口... 咦！うに掂呀....＼(＊⌒▽⌒＊)／ 意外驚喜！
海膽旁邊那個，同村友二號，你眼望我眼...「乜我地叫個個鵝肝咁o既樣...」入口，味道十足十鹹蛋黃。
Check單，果然侍應弄錯，是根本沒有叫過的「鮟鱇魚肝」。
乾癟癟... ((p(＞v＜)q)) 和平時吃到的海鵝肝完全兩回事。算啦... 新開張預左會出錯。
毒舌女，其實一心想吃創作料理，睇下佢有幾「九唔搭八」。
呢個就係「龍蝦沙律軍艦卷」...
二號話佢鹹，我就覺得勁重雪味... ( > < ；) 都係叫番Ｄ傳統o野穩陣Ｄ...
食完以上三個才來的鵝肝。樣子麻麻，味道OK，明明都係同門，不過SESSON個燒鵝肝好食得多。
甘えび算係咁... 都幾甜，不過主因都係呢個季節，同手藝無關。
明明叫了個えんがわ，等極都唔來，加單時就順便問阿經理，經理就問對面個師傅咩事，八隻眼睇住師傅係到切緊，阿經理就同我地道歉話：「唔好意思，已經賣哂，同你取消佢啦」哦... 咁切緊個Ｄ都唔係我地架啦... 轉頭偏偏又送上來，仲唔立即放入口咩。
食完，阿經理走過來又話：「已經取消了...」偷笑啦....v(^o^ )ー~) 一陣你就知故事下文......
味道？えんがわ本來有Ｄ凍，但Ｄ飯剛好又有少少過熱，放入個口，飯的熱力迫住Ｄ油溶化，成口油（＾▽＾）！
故事的下文係食左落肚十分鐘後，經理又跑過來：「唔好意思，而家有貨了，整緊俾你」！好o野，咁都俾你兜番住，保存了師傅又保存了佢個臉。
話時話，環顧四週，今天真是烏龍百出，好在樓面和師傅們都沒有口黑面黑，呢樣真係要讚！ｄ（＾０＾）ｂ グッ！
跟著黎呢個... 話係さんま喎，但入口，點解係さば... ( ;;￣３￣)
二號話要食イカ，但搵來搵去都只係見到有スミイカ。唔好意思... 毒舌女對イカ冇興趣，總之放得入口便算。講開又講，有次東京友人睇完SHOCK同佢去食壽司，只見餐牌上有二十幾款イカ，我實在食唔出有何分別。
點睇點咬都覺得係スミイカ... 配海鹽，好似仲有咖喱鹽抹茶鹽，請問點解無咖啡鹽香辣鹽紫菜鹽... （@@：）
呢個係筋子三文魚子醬油漬すじこ醤油漬け。有些人喜歡吃篤穿了膜的イクラ，有些人喜歡吃未篤穿的すじこ。毒舌女係八份一個順德人(o^<^)o，冇乜所謂。
跟著是油甘魚腩，雖則我們都懷疑是ぶり。上次在正宗鮨屋食ぶり，上面係キモ（肝），不是迴轉的迴轉卻整個柚子芥茉，明明一層油係口溶緊突然整個咁激咁辣的柚子芥茉。
得個「凍」字的鯛，剛剛解凍乎？做乜特登影個屁股？因為要記錄低佢個厚度囉，拿拿拿... 個個話IMAMURAさん個LUNCH抵食喎... 佢個タイ恐怕只有這個厚度的五份一！m( ~o~ )m
あじ。Ｄ肉竟然有Ｄ「PAU」(鬆弛)，睇住師傅劏，冇話可說... 好彩師傅冇幫我落醬油，有鮮味！講到呢度又要讚一讚，師傅仔放落去時，薑跌了在桌面，二話不說，拿走，重新整過。ｄ（＾０＾）ｂ
心有不甘，再加單叫埋個さば。一入口....
甘すぎ〜〜〜！
大トロ，當然要有筋！冇筋邊好食？$35一件，味道及格。幾間鮨屋好似都只係賣$40，迴轉個價錢一點都不便宜！
今日先發現二號原來係蝦怪，又話要食えびみそ，毒舌女？最好有かにみそ。好味係好味，但諗極都諗唔起究竟係邊度食過呢個味道... 講o既，當然唔係蝦，而係別的食物。諗到再話你知！
Menu上寫雲子。雲子即是白子しらこ。有些人瘋狂喜愛白子，有些人卻嫌腥，和納豆一樣，毒舌女既不是喜愛也不是討厭，不過這裡的吃法和日本不太一樣，日本的壽司屋多是做成軍艦卷。
坐COUNTER，睇到好多平常不會看到的，諸如兩小時內只有兩三個人叫秋刀，大概有三四個人曾叫鯵，吃箱押的好多，可能多過叫三文魚。有幾樣是毒舌女以後應該都不會叫的，一個是箱押，另一個是蔥粒吞拿魚。（＾・ー) ／
食「不是迴轉的迴轉」最可怕的是，和吃中式火鍋一樣，吃極都不覺得飽，不停的叫。吃迴轉還好一點，數數檯上放了十隻八隻碟便會自動收手。吃「不是迴轉的迴轉」不停有人來收碟，有些早點的卻又會遲遲不上桌，往往會忘記自己叫過些甚麼。
埋單計數，比Kenjo、Hiro、Doku等傳統日式鮨屋的LUNCH還要貴，みそ汁賣十二，茶碗蒸し賣十五，サラダ賣十八，三樣加埋都已經四十五，仲有咖啡茶未計數。
還是飯堂抵吃。
0 comments:
コメントを投稿