嘿... 唔係NAO，又唔係SHUN，更加唔係JUN。等佢地拍完戲先毒舌女先請佢地食飯啦！
係啦，又係去老舖啦！老舖Ｄ老伙記真係好大細超呀！(怒)
見到美女就招呼殷勤，不斷沖水倒茶，劃了四個點心已經截停我地，唔好浪費喎！唉... 毒舌女平時去，打開個茶壼蓋，Ｄ老伙記一個二個拎住個水煲直行直過，點心紙劃完舉手十五分鐘都無人睬我ヽ(｀Д´)ノ。
美女友人低聲問毒舌女食咩好，老伙記明明背向我地，離檯九丈遠都飛奔過來，「叫我呀？」
抗議！抗議！抗議呀！p(`ε´q）
叫了這四個點心便被人截停，蝦仁荷葉飯、淡水鮮蝦餃、釀豬膶燒賣、山竹牛肉。
你話邊到會飽丫？再劃劃劃劃劃劃...
最後來的兩個甜點最精采。
第一個是棗泥雪酥餃，樣子普通得很，但個酥皮好好味，仲有熱呼呼的棗泥，吃下去，呵！笑不攏口ヽ(ﾟ｀∀´ﾟ)ﾉ 幸せ〜〜〜〜〜！
第二個是吉祥如意卷。
唔～～～點解好味得咁緊要？＼(^▽^＠)ノ
美女唔捨得，慢慢揻，一舊分成十啖食，整夠兩張相俾你睇。
總之22日前去都仲有得食，過了元宵恐怕就沒有了。
食完走去三碌LINK，呵呵呵... 又係到買買買！還有... 真的很多謝美女送我的手信...下次番來個餐，唔好忘記叫埋我呀！ ﾟ.+:｡(ﾉ^∇^)ﾉﾟ.+:｡
Gratulera med dagen！講定先，驚唔記得呀... ^^;
0 comments:
コメントを投稿