秩父

M有次無意撞入鉄道オタク必考的「時刻表検定」試過去問題集網頁内，竟然取得75%的高分，Ψ(｀∀´)Ψ！那個「時刻表検定」考的當然不是時刻表，而是例如幾點鐘從某某站開去某某的是乜乜車幾多號，某某線的六門車是幾時限定，諸如此類。甚麼準備都沒有竟然取得如此成績，自己都嚇一跳。（沾沾自喜中）

變成鉄道オタク，多得身邊友人，例如左右門神二人。左右門神豈只飲食習慣一模一樣，連興趣都一樣，去日本，人家血拼購物，這兩個人卻會行火車博物館，找蒸汽火車頭。呀！新近看M網誌的Blog友大概不知道，這兩個人從未碰過面的。

話說，當M發神經去到東京都要搵佢個法蘭西老友MONET時，右門神去了秩父（Chichibu）。

秩父，在埼玉県，一個春天有芝櫻，秋天有紅葉的好地方。右門神去秩父，不是看風景，為的是坐蒸汽機関車，這裡是離東京最近還可以坐到蒸汽火車頭的地方。



回來，和右門神交換照片。自從那一頓後，食慾不振，右門神就說不如去鏞記食爽腩，貪佢平過九記，件數又多過九記，都好，反正入了九月，有鵝肝腸飽食，又叫了皮蛋瘦肉粥、及第粥、各式各樣點心，就一邊吃一邊寫碟。

吃完，碟也寫好，就開始火車頭欣賞大會。這時已經感受到背後鄰桌的日本遊客投來好奇的眼光。

看到以下這張相時，鄰桌的おじさん終於忍不住站起來，指著M個MON大叫：「我ＤFriend呀！」



「秩父？」
「係.....」
「本地人？」
「係.....」
「我係秩父人喎...」
「嘎...」
「張相裡面個Ｄ係我ＤFriend黎架！」
「下... 講真!?」弊... 以後係公眾場合都係要檢點Ｄ...
「真o架！幾時去架...」
「上兩星期......」M真係碌到對眼好大...
「這個是我們的秩父川瀨祭，有個神輿洗い，每年夏天七月中左右舉行...」

啊！原來秩父除了有芝櫻有紅葉有蒸汽火車頭還有好多好好玩啊...

「おじさん你黎香港玩？」
「係呀... 我個仔黎公幹，我地兩公婆跟埋黎啦... 」

おじさん原來經營秩父餅七福本舖，真係... M行到邊都會撞到食神。呢間係おじさん間舖「水戶屋本店」http://db.dokoikube.com/mitoya_h.htm。交換Ｅ貓後，おじさん好親切的說下次去到秩父要搵佢，左門神，如果你下次去東京記住哪！



秩父鉄道
http://www.chichibu-railway.co.jp/
秩父観光協会
http://www.chichibuji.gr.jp/
秩父観光ナビ
http://navi.city.chichibu.lg.jp/
秩父市
http://www.city.chichibu.saitama.jp/