糗事

去年十月初，約了大師姐吃飯。本來打算去某鮨店，神推鬼拱的去到門口，忽然想起大佬，改變主意踏進旁邊的燒肉店去。

店開了沒三個月，顧客不多，環境清幽，座位寬敞，燈光柔和，滿心歡喜打開餐牌準備點菜。

鹽燒牛腹腔賣$68，牛腹腔賣$78，正奇怪為何有鹽的會貴過沒鹽的，再看下去，附骨的牛肋骨賣$68，無骨的賣$78，嗯... 和其他燒肉店完全不一樣；飲品一欄，EVIAN賣$20，PERRIER賣$30，可樂雪碧賣$30，烏龍茶奶茶咖啡熱的賣$25，冷的賣$30，為甚麼EVIAN會平過可樂？...... 滿腦子問號，召來侍應。

毒：「唔該，有冇水？」
侍：「冇。」
大：「咁兩個可樂啦... 」
毒：「唔... 請問鹽燒牛腹腔和沒鹽的牛腹腔有何分別？是否同一種牛？」
侍：「一個有鹽，一個無鹽。」
毒：「咁呀... 要一個有鹽的的牛腹腔，一個有骨的牛肋骨，一客蒜茸牛油露筍，一客粟米。叫住咁多先啦...」

三分鐘後侍應回頭。

侍：「唔好意思，因為昨日是假期關係，有骨的牛肋骨賣哂了。」
毒：「咁... 要無骨的牛肋骨啦。」

三分鐘後侍應再回頭。

侍：「唔好意思，因為昨日是假期關係，無骨的牛肋骨都沒有了。」
大：「咁麻煩你再俾個MENU黎....」

視察一輪，決定叫壺漬牛肋骨。

三分鐘後侍應再回頭。

侍：「唔好意思，因為昨日是假期關係，所有牛肋骨都賣光了。」

食日式燒肉沒有牛肋骨，這算那門子的燒肉？心裡嘀嘀咕咕...

侍：「你不如試試我們的宮崎和牛。」

看看餐牌，$368一客。

毒：「請問每客有幾多gram？」
侍：「100gram。」

嘩！日本一的A5和牛100g都只是$250，這裡賣$368？不如打的過去嵯峨野，保證是日本和牛之餘，價錢還好像便宜一截喎！愈想愈不對勁，改叫$138的一口牛。

三分鐘後侍應又回頭。

侍：「唔好意思，沒有可樂，要Coke Light好嗎？」

毒舌女和大姐師面面相覷...

毒：「唔係嘛，隔離就有7-11，買罐過黎都得啦!?」
侍：「唔得，因為我地係訂番黎o既...」

真想問一句，是否從日本訂回來的？一罐可樂收$30，兩個人就$60，成本$5一罐，明明可以白賺我$50，咁都唔得？彎也不肯轉，這算那門子的侍客之道？唯有改叫EVIAN。

食物來到，鹽燒牛腹腔，鹹到眼淚水都標出來，終於明白為何有鹽的比沒鹽的平$10。

這樣的糗事，怎可以在網誌上發表？不過，今天實在無事可寫，惟有公開舊事。