一生的承諾

F嬢様問：「你可不可以替我Bid飛？」

「不可以。」

「為甚麼？」

「因為我已經不是Premium會員呀！Non-Premium會員的買賣上限是5,000円，一張票又怎會不超過5,000円呢？」

「你為甚麼取消你的A/C啊？你用了好多年的啊！」

為甚麼取消Premium會藉？因為毒舌女取消了Diners Club那張卡，而雅烏的月費，一直用Diners來做自動轉帳。卡取消了，那就順道取消日本雅烏的Premium會員資格。

為甚麼要取消Diners？說來話長。

當年，不是毒舌女主動申請Diners的，話說某年某月某日，花旗上門：「保證Diners一生免年費，而且積分可以永久保存，絕對不會有到期日。」

積分可以永久保存，而且可以轉過去Asiamiles，有點吸引力，姑且信之。海外簽帳積分雙倍，就索性用Diners來交鴉烏的月費。

多年來Diners果然信守承諾，一直都沒有收年費，積分也沒有到期日，日子一天天過去，儲下來的積分足夠換兩張東京來回機票有餘。

一生的承諾，今年終於破滅。
某天，收到月結單，咦？Annual Membership Fee...



循例，打去熱線講數。

「又話一生免年費？」

「點會有一世呀？結婚又好，打份工又好，都冇一世啦。只不過是以前我們每年為客豁免而你地唔知0者！」

「冇有得Waive先？」

「我們可以提供以下三個選擇，一是交足年費，送十萬分，二是交一半年費，送四萬五分，三是可以使用我們銀行的循環借貸服務......」

「錢我就唔想借，你那個100,000分可以兌換幾多Cash？」

「最抵就是換取旅遊現金，用20,000分可以換取HK$100旅遊現金，100,000分即是可以換取HK$500，年費$650，實際上你只不過係俾$150之嘛！」

「但人地獅子、身痕、渣兜間間都免年費喎，就算我現在用緊你們的Premier Miles也是免年費的啊！」

「你張Premier Miles明年到期時我地公司一樣收番你年費。」

「咁用Diners有咩著數先？」

「VISA和Master都不能免費使用機場的Lounge，但Diners可以，只要你每月簽帳HK$1,500或以上。」

「我坐親都C-Class個喎，間間航空公司的C-Class都可以免費使用他們的Lounge啦，何需要用到Plaza Premium Lounge？」

「但如果你有朋友同行，對方又不是坐Business Class，咁就可以一齊用機場個Lounge。」

「你講開我又想問哪，有次我去台灣，就是和朋友一齊，點知台灣機場個Lounge在門口貼住張紙寫明就算Diners的客，入去都要付錢...」

「付錢可以用Lounge已經好好了，撞正打風，禁區裡面好似難民營咁，你都想有個地方坐定定收風嘛，大陸你肯付錢都沒有Lounge呀。」

「你一直強調Diners與眾不同是因為可以使用機場的Lounge，但對於那些不會出外旅遊不會坐飛機的客來說，豈非得物無所用？」

「但儲下來的積分一樣可以兌換旅遊禮券嘛。」

「為甚麼你們一定要收年費呢？你們應該鼓勵客戶消費，例如今個月簽帳額如果滿幾多幾多，就可以免年費嘛。」

「咁如果要你十個小時內簽帳夠10萬先可以免年費，你都唔可以一下子做到啦。」

語塞。

「咁... 我都係Cut卡算了...」

日本雅烏要怪，就怪Diners好了。