「閆生，你一直係用開網上痕6M計劃，月費係$180，另外Past TV個月費係$35...」
「係丫，我都記得呀！咁點解依家個個月要交成千蚊？」
「閆生，因為你個郵箱有過萬個File都未清理，超過了你個Quota，所以每個月要另付儲存費，如果你個郵箱清理左就唔會再有Over Charge...」
「我個郵箱點解會有過萬個File？我都唔用電腦，點解會有郵箱？」
「你一Join網上痕時就會俾個郵箱你...」
「我連我個e-mail係咩都唔知，點解會有過萬個file？」
「唔... 呢個我地唔多清楚，但係如果你清理左郵箱裡面的File，收費就會回復正常...」
老總就和社長就去幫忙看看大閆生個郵箱為何有過萬個File。
老總：「閆生，你用左網上痕幾耐呀？」
大閆生：「都有成五、六年...」
社長：「五、六年都冇清理個郵箱，又難怪會有過萬個File係到。」
老總：「閆生，你有冇俾個電郵地址其他人呀？」
大閆生：「就算有，我都係俾公司個電郵地址，又點會俾屋企個電郵地址人？」
老總：「而家你個郵箱裡面o既，全部都係廣告o黎...」
大閆生：「點解會有廣告？一定係網上痕將我個電郵地址賣俾人...」
社長：「奇怪。點解閆生個郵箱冇上限o既？照道理，咁多郵件會爆個喎，爆左打回頭就唔需要再收額外費用啦...」
老總：「社長，電郵過濾要收錢o架，閆生如果冇要求過電郵過濾，咪一直收垃圾電郵囉...」
大閆生：「我唔知，總之我當日只係打算睇Past TV個財經台，佢地話送埋個上網服務俾我，我話左俾佢地聽我屋企冇電腦，佢地話冇問題，唔用電腦都可以睇到財經台，但係因為要拉線入屋，所以要收服務費，每個月$180...」
大閆生再打電話講數，最後Cut線大罵：「佢地竟然話唔清理個郵箱係我個責任，企硬冇得退，唔通要我打電話俾KS呀？」
老總：「閆生，我諗就算打俾KS都冇用，你都知間公司唔關佢事...」
大閆生：「佢地當我羊牯！」
社長：「閆生，你放心，呢件事你冇錯，係佢地誤導你，而且，你個郵箱不可能冇上限，如果係咁，俾人Send過百萬個File黎咪好唔掂，我同你搞掂佢，要佢地退番先前收多你的費用...」
大閆生：「咁麻煩你...」
老總：「社長，你唔係打算出古蠱招，將Ｄ垃圾電郵寄番哂去網上痕個CS呀？」
社長：「放心，呢招冇用o架，我會搵有勢力人士去搞掂佢...」
老總：「吓... 」
* * * * * * * * * * * * * * * * * * * * * * * * * * * * * * * * *
社長打電話給他的波友官員甲：「就咁，我老闆被網上痕咁咁咁收費，你地係監管機構，想問下有咩方法...」
官員甲聽取事情後：「咁都得？好陰毒下喎。放心，我同你Check下咩事先...」
三日後，社長正和老總又去飲咖啡之際，收到官員甲的電話...
「你放心，我地一定會跟進呢件事，因為我都中招，而且我地個Department，個個屋企裝左網上痕同Past TVo既，人人有份......」
結果，大閆生終於收到退款，不過換來的是另一紙合約。
* * * * * * * * * * * * * * * * * * * * * * * * * * * * * * * * *
以上故事，純屬虛構，如有雷同，實屬巧合。
0 comments:
コメントを投稿