國皇出巡裏物語之下集

等呀等... 終於來了一團人，為數約有十多個，人人身穿黑西裝。

毒舌友：「呢Ｄ又係咩人？」

毒舌女：「事務所請番o黎o既CQ囉，你睇，西裝個袖全部套了唔同顏色的圈。」

毒舌友：「嘩！一個二個咁似Ｄ牛郎o既！金毛，削哂頭，仲要抆哂眉，搽哂粉！臉青口唇白，恤衫頸喉鈕又唔扣，前晚都唔知蒲到幾點咁，仲要個個咁鬼矮，都唔知有冇160，有咩事起上o黎靠佢地就死得人多啦！」



毒舌友：「Stanley Team個個都大隻過佢地喎！」

毒舌女：「肚腩丫嘛！」

來了黑衣人後，平頭裝似乎略為收歛，由得黑衣人的大佬指揮。

黑西裝群拿起繩索，分站四角，圍成一個圈，欄內的春雨，有點像待沽的豬。
黑衣人大佬大喝：「前排八行全部跪下！」

今天，國皇從江戶來到尾張出巡。

人群紛紛下跪，繼續等。

奇怪？為甚麼不是十行，不是四行，偏偏是八行？這個八行算是Arena嗎？
一個穿裙，年約三十的黑鬈髮女子，從後牽著一個又一個的二十代的金髮女子大模斯樣來到最前列插隊，原本排第一行的立刻變了做第二行。

毒舌友：「係啦係啦，頭先你未到時呢個女人已經係到，佢識平頭裝o架...」

毒舌女：「好明顯佢係帶位啦...」

毒舌友：「有冇搞錯呀？呢Ｄ人肯定剛剛先到，點解會帶佢地企前面o架？莫非係『阿嫂』？」（註：劉心悠主演的電影《阿嫂》）

毒舌女：「邊有咁多個阿嫂!? 企埋一齊，唔大打出手咩...」

升降機門打開，步出來的卻是JR的藍衣人。豬群低聲發出不滿的嚎叫。這時帶位又牽著一個40代手揹大袋穿著西褲的黑髮女子排到前列。早上六點來到排頭位的已被擠到第三行，九點來到一個男生站著，即是已被擠到第十行之後。

毒舌友：「啊... 呢個女人好明顯係春雨，但個班究竟係咩人？」

毒舌女：「可能係傳說中的尾張裏組織...」毒舌友：「唔通幫襯佢地買飛送出國皇出巡第一行門票？」

如果你熟讀毒舌女的網誌，大概知道尾張裏組織的勢力有多雄厚，備註一下，尾張裏組織連教主喜爺也不放在眼內。喜爺出巡到尾張巨蛋，裏組織兜口兜臉拎住門票問他十萬要唔要。

五輛斗篷馬車來到，停在門外。這時，平頭裝和他的隨從已退到電気屋的門前，眼尾剛好睄到黑衣人的大佬和平頭裝在竊竊私語。分明是相識嘛...

躲到電気屋的門前位置最近，應該看得更清楚？呵呵，不可能，一團是兵又是賊的人會阻住你的視線。

今天，是國皇從江戶來到尾張出巡的日子。

國皇們從升降機出來，坐上斗篷馬車，一列目的已經不受控制，衝了出去。日期：平成20年11月26日（水曜日）
時間：11:50故事完結。

* * * * * * * * * * * * * * * * * * * * * * * * * * * * * * * *

噓我？

咪住。

前篇都說了：「聽故事的人想知道真相，說故事的人只想故事繼續流傳下去。」明年一月若然有幸去到尾張，請告訴毒舌一聲你又看到甚麼。