IDTEN-T Error

以下故事，如有雷同，純屬巧合。



2008年6月29日，星期日，IT部的湯川學（英文名叫做Galileo，暱稱咖喱屋）好夢正酣，昨日在深圳辦公室趕製Presentation至早上四點，吃完宵夜回到賓館都已六點，倒頭大睡不到三個鐘，早上八點半，給手機吵醒，看看電話號碼，是大編輯MASAKO打來，不情願也要接聽。

「喂......」
「咖喱屋呀？我係MASAKO呀，梳化有鬼呀！」
「Server點有鬼呀？」
「Cannot Be 阿石屎同番唔到囉... 你快Ｄ番公司搞掂佢啦！」
「我係深圳喎...」
「咁點算呀？」
「㩒F8，Restart個Server啦...」
「點士撻哇？」
「你係邊呀？」
「屋企囉...」
「你Log唔Log-In到呀？」
「Log-In左啦，冇問題呀...」
「咁係Admin個版㩒F8啦...」
「... 冇反應喎！」
「點會冇反應架？向來㩒F8都得個喎。」
「唔得呀... 唔通我呃你咩...」
「你係咪用Admin個password入呀？」
「咁梗係啦，如果唔係都唔會見到Admin個版啦...」
「再試下啦！」
「... 試左好多次啦，都係唔得喎。係咪因為我係屋企部機做呀？」
「冇關係架，你而家都Log-In到...」
「你快Ｄ番黎公司整啦，如果拖到夜晚，個班刁民實剷到上天花板呀！」
「我而家係深圳喎...」
「你快Ｄ落番黎啦，我而家番公司等你...」
咖喱屋唯有不情不願的換衣服，離開酒店坐火車回港，上到公司，剛好十二點。

「嘩！你咁遲架！」
「我都要等有車先得架...點呀？Restart到冇呀？」
「都係唔得呀... 我已經用Admin個Password入個喎...」
「等我睇下... 係丫，你而家係Admin個版，冇錯呀...」
「拿拿拿... 我跟住㩒F8呀...」
「你... 你... 你... 你.... 㩒完個F，再㩒8呀？」
「係呀，大草F唔得，又試細草F，都冇任何反應呀。」

語言，真係一件好深奧的事。