2007/12/15

銀座久兵衛


今天替人打電話去水谷訂位,水谷是東京版米芝蓮指南上兩家唯一獲得三星的鮨屋的其中一間。

「抱歉,過年休店,一月七日才再開門營業」。

退而求其次,一星都好,五日開始營業的有幾家,不過通通滿座,最後,打到去萬元壽司的銀座久兵衛去。

毒:喂喂~我想訂一月五日晚上七點四位壽司Counter。

久:七點?滿哂座喎...

毒:咁請問八點有冇位?

久:唔好意思,七點半後我地唔接受訂檯,只能Walk-In,不過唔知要等幾耐喎... 但如果你要Walk-In,而家都要俾低個名同電話我地。

毒:哦.... 陳大文... 電話係+852-○○○○﹣○○○○。

久:請問住邊間酒店?

毒:Ritz Carlton。

久:請你等一等... (遠處傳來嘰哩咕嚕)
久:好啦,而家七點鐘俾到檯你。

毒:唔該哂!咁請問是否坐壽司Counter?

久:而家未知個喎。仲有,如果黎唔到,記得一定要早一日前打電話黎通知,如果唔係就收30% Cancel Charge。

毒:嘎... 哦... 明白!唔該哂。拜拜~

久:拜拜〜

(收線)除了將日本語轉為廣東話,陳大文是假名外,一切原汁原味,冇加冇減。

2 件のコメント:

  1. M姐, 這樣是否很失禮? Ritz Carlton 就話即刻由冇變有...

    返信削除
    返信
    1. 唔...咁又未必因為住Ritz就由冇變有,但係到而家我都唔明如果個客唔出現點收個30% Cancel Charge ^^

      削除